Page 764 - Quran-e-Kareem

41 Sureh haa meem (764) 24 para
th
st

(gunaahoun ko ) chupatay hee na thay aur na iss ( khouf) say k tumhaari

aakhein ( gawahi dengi) aur na iss ( khoof) say k tumhaari khalein

(gawahi denge) balkay tumnay tu yeh gumaan karliya tha k jo bad-

amaliyaan tum kiya karte thay unmay say bohat si batoo ko khuda jaanta

hee nahi 41:22 aur tumhaari issi bad-gumani nay jo tum nay apnay

parwardigar ki nisbat karli thee tumhein tabah kardiya k tum ( sakht)

nuqsaan uthanay waloo mea say hogaye 41:23 ab agar sabr karein tu

jahannum unka khasa thikaana hai (jeem) aur agar wo touba chahein tu

wo unlogo mea say nahi hain jinki touba qabool ki jaaye 41:24 aur hum ne

unke liye aese humnasheen muqarrar kardiye thay k wo jo kuch unke

saamne tha usko aur jo kuch unke baad aaneywala tha ussko unke liye

zeenat dete rehte thay aur tamaam ummatoun mea jo unsay pehle guzree

jinaat ki thee to aur insaan ki thee to unper hamara khoul poora utraa k

wo zaroor nuqsaan uthanay walay huway (ain) 41:25 aur jo log kafir ho

gaye thay unhonay yeh kaha k tum iss quran hee ko naa sunoo aur uss ( k

parhe jaane k waqt ) mea kharafaat bako taakay tum hee ghalib raho 41:26

pas hum unlogo ko jo kafir hogaye hain zaroor sakht azaab ka maza

chakhaeingay aur jo bad-amal wo kiya karte thay